Өлеңдер сөздерi / текст песни

Халық әнi - Сұлу қыздың сыны

Баға жетпес жақсыға бiр гауһар тас-ей,
Он алты, он жетiге келгенде жас, күнiм-ай.

Күнде базар елiм-ай,
Шаттық көңiл жерiм-ай.

Пiсiп тұрған жәннаттың алмасында-ей,
Алма мойын, ай жүздi, қиылған қас, күнiм-ау.

Күнде базар елiм-ай,
Шаттық көңiл жерiм-ай.

Бiр сұлу бар жаһанда шынарланған-ей,
Жанның бәрi сол қызға құмарланған, күнiм-ау.

Күнде базар елiм-ай,
Шаттық көңiл жерiм-ай.

Сол сұлудың сипаты тiлден келмес-ей,
Әсем тағып мойнына тұмарланған, күнiм-ау.

Күнде базар елiм-ай,
Шаттық көңiл жерiм-ай.