Өлеңдер сөздерi / текст песни

Т.Нағашымбаев - Сенiң көзiң

Сенiң көзiң түпсiз терең
Тұңғиықтан жаралған
Сонда жатыр менде жүрген
Орындалмас бар арман

Сенiң жүзiң көкте күннен
Жерде гүлден нәр алған
Шашың сенiң жан баспаған
Жапандағы қара орман

Сенiң жүзiң көкте күннен
Жерде гүлден нәр алған
Шашың сенiң жан баспаған
Жапандағы қара орман

Қас-кiрпiгiң қарлығаштың
Қанатындай қап-қара
Үлбiреген жүзiң сенiң
Ақ жiбекпе мақта ма

Әсем басың әп-әдемi
Мүсiнiңе шақ қана
Шиедейiн ерiндерiң
Қызарып тұр шоқтана

Әсем басың әп-әдемi
Мүсiнiңе шақ қана
Шиедейiн ерiндерiң
Қызарып тұр шоқтана

Толықсыған тұла бойың
Шыбық па екен тал ма екен
Бейнең сенiң баяу атқан
Жазғы шұғыла таң ба екен

Күлкiң сенiң шашылған нұр
Сөзiң кәусар бал ма екен
Бұл ғаламда сенен асқан
Сiрә бiреу бар ма екен

Күлкiң сенiң шашылған нұр
Сөзiң кәусар бал ма екен
Бұл ғаламда сенен асқан
Сiрә бiреу бар ма екен