Өлеңдер сөздерi / текст песни

Т. Рахымовтiкi - Алтайдан сәлем

Бұлбұл бақты сүйгендей, ау, қыран көктi, ағажан,
Алатаудан Алтайға бiр ән жеттi-ау, ағажан.
Алматыға барғаным, ау, елес бүгiн, ағажан,
Сол бiр әндi келедi көп естiгiм, ағажан.

А-а-ай!
Ән жүректi елжiреттi,
Сезiм көлiн мөлдiреттi.
Мен де арнадым өлеңiмдi -
Сәлемiмдi, ағажан,
Ақ маралды Алтай жақтан,
Шалғай жатқан, ағажан.

Көшкен елдiң қызы едiм, ау, Алтай асып, ағажан,
Өмiр кештiм тағдырмен тайталасып, ағажан.
Тiлек болса көкейде, ау, айтпайсыз ба, ағажан,
Алтай жаққа бiр келiп қайтпайсыз ба, ағажан?!

А-а-ай!
Ән жүректi елжiреттi,
Сезiм көлiн мөлдiреттi.
Мен де арнадым өлеңiмдi -
Сәлемiмдi, ағажан,
Ақ маралды Алтай жақтан,
Шалғай жатқан, ағажан.