Өлеңдер сөздерi / текст песни

Шырайлым - Н. Дүкенбай

Сусындап бiлiм нәрiн саяңда ұдай,
Көктемнiң түлеп өстiк бояғындай.
Анамдай қамқор болған ұстаздарым,
Әлi тұр көз алдымда баяғыдай.

Ұстаздық төзiмдер,
Шәкiрттiк сезiмдер.
Жылдармен жалғасып,
Барады алмасып.

Өзiңнен бастау алған бұлақтарым,
Ашылып әр жүрекке сыр ақтардың.
Алдыма тартқандайсың арман қылып,
Өмiрдiң жұмбағы мол сұрақтарын.

Ұстаздық төзiмдер,
Шәкiрттiк сезiмдер.
Жылдармен жалғасып,
Барады алмасып.

Алсам деп ұстаздықтың iзгi салтын,
Атыңа естiген жұрт қызығатын.
Оқумен сенде өткен әр жылымда,
Жас шақтың бейнесi бар жүзi жарқын.

Ұстаздық төзiмдер,
Шәкiрттiк сезiмдер.
Жылдармен жалғасып,
Барады алмасып.

Албырт шақ: әр нәрсеге көңiл ауды,
Бiлгенге ұмытылмастай өмiр-ау бұл.
Шақырған шәкiрттердiң ой толғауға,
Үнi тұр құлағымда қоңыраудың.

Ұстаздық төзiмдер,
Шәкiрттiк сезiмдер.
Жылдармен жалғасып,
Барады алмасып