Өлеңдер сөздерi / текст песни

Шораяқтың Омары - Сөйле, тiлiм, жосылып

Ашыл, көңiлiм, жош ұрып!
Сөйле, тiлiм, жосылып!
Тереңнен барып тер гауһар,
Ақыл мен бiлiм қосылып!
Қамалап келген қардарға
Көрiнсiн теңшең шешiлiп.
Бiзге деген халық тоны
Тұрғандай сырттан пiшiлiп.
Талабыма табылғай,
Талданған жiбек есiлiп.
Кәделi бiлгiр емеспiн,
Қанадан кеткен тесiлiп.
Басымдық мен де сөйлейiн,
Әуелiнен кешiрiп.
Жал ала алмай жатырмын,
Жаңа да көкке iсiнiп.
Халық ұйғарған жұмыстан,
Көргенiм жоқ кешiгiп.
Ая, көңiлiм, аптықпа,
Жиналған дудан шошынып.
Күлтеңдеп әкем көрген жоқ,
Сөйлейтiн сөзден қысылып.
Таңырқатқан талайды,
Қызыл тiлдiң қызығын,
Зеңбiректей көшiрiп.
Шәкiртiмiн ұстаның,
Қолы шебер, iсi нық.
Сөз бұранын жүргiзген,
Көмiрсiз күмiс пiсiрiп.
Шайырлық жолы – шартарап,
Болғаным жоқ түсiнiп.
«Адасқанның – алды жөн»,
Ортаңа түстiм шешiнiп.
«Пәлi, жорғам, дұрыс!» деп,
Көңiлiмдi қойдың өсiрiп.
Көңiлiңдi, халқым, аулайын,
Сөз саумалын iшiрiп.
Түспей жүрмiн төбеден,
Көңiлдiң құсын ұшырып.
Барымды базар етпесем:
«Еттiң, - дерсiңдер, - кiсiлiк».
Табылғандай тартынбай,
Алдарыңа әкелдiм.
Жас қозыдай ысырып.
Бас қосқан базар сарапта,
Арзан менен қымбаттың
Қойылған нарқы кесiлiп.
Таңдаушы – қардар сайма-сай,
Қызыл тiлiм, қынжылмай,
Сөйлейтiн күнiң көсiлiп.