Өлеңдер сөздерi / текст песни

с. Жолбарыс Баязитовтiкi ә. Қалибек Дерiпсалиндiкi - Аққуым

Аққуым, кейпiң қандай айдындағы,
Қиялға қанат байлар жай мұндағы!
Көк аспан, көгiлдiр көл тең келер ме,
Тең келмес ару көркi айдын-дағы!

Сезiм шертер күйшi ме едiң,
Саған, аққу, сүйсiнемiн!
Арман-жүрек жазбай мәңгi,
Ару құстай сүйшi дермiн!

Аққуым, үмiт құсым, аспандағы,
Ән-жырдай қалықтасаң асқан бағың!
Жасыл бел, жазира жер, көк айдынға,
Көрiк боп қанат қақшы, жасқанбағын!

Сезiм шертер күйшi ме едiң,
Саған, аққу, сүйсiнемiн!
Арман-жүрек жазбай мәңгi,
Ару құстай сүйшi дермiн!

Аққуым, анты ма едiң адалдықтың,
Күйiңнен кербез сұлу дананы ұқтым.
Не заман кең дүние, кеңiстiкте,
Өзiң де өзгермепсiң, дара мықтым.

Сезiм шертер күйшi ме едiң,
Саған, аққу, сүйсiнемiн!
Арман-жүрек жазбай мәңгi,
Ару құстай сүйшi дермiн!

Аққуым, ақ перiште армандайсың,
Сан ғасыр қойнауынан қалғандайсың.
Аман боп, айнып-азбас ақ сезiм боп,
Аққуым, мәңгiлiкпен жалғанғайсың.

Сезiм шертер күйшi ме едiң,
Саған, аққу, сүйсiнемiн!
Арман-жүрек жазбай мәңгi,
Ару құстай сүйшi дермiн!