Өлеңдер сөздерi / текст песни

С. Оспановтiкi ә. Қ. Дербiсалиндiкi - Айлы түнiм

Қол соғып, жағада тал билегендей,
Тақалып, ернiңе ерiнiм тимегендей.
Асылым, аппақ нөсер саған ұқсап,
Шомылды алтын ай кеп шилi өзенге.

Айлы түнiм арман едiң,
Ардағыма жалғап едiң.
Арманыма жалғап едiң.
Арманым-ай,
Ардағым-ай,
Жалған ба едiң?!

Өзендей, ой шомылған менi дiрiлдеп,
Қымтадың етегiңдi сен күлiмдеп.
Ойнайды қайта-қайта көйлегiңмен,
Аймалап менен бұрын жел жүгiрмек.

Айлы түнiм арман едiң,
Ардағыма жалғап едiң.
Арманыма жалғап едiң.
Арманым-ай,
Ардағым-ай,
Жалған ба едiң?!

Ернiңе балқып ернiм жанасқанда,
Дегендей алыстамын: «Ей, жасқанба!»
Көзiмдi қайта ашқанда мен күлiмдей,
Кетiптi көтерiлiп ай да аспанға.

Айлы түнiм арман едiң,
Ардағыма жалғап едiң.
Арманыма жалғап едiң.
Арманым-ай,
Ардағым-ай,
Жалған ба едiң?!