Өлеңдер сөздерi / текст песни

Мұқан Төлебаевтiкi с. Нұтфолла Шәкеновтiкi - Ақ мақта

Жан едiм көп сенiмiн, серт ақтаған,
Сый алып келiп тұрмын ақ мақтадан.
Мен де бiр ауылымның жұлдызымын,
Сүйсiне өнерiме ел мақтаған.

Еңбегiңмен ер боп ақта,
Елiмiздiң үмiтiн.
Алтын мақта бiздiң жақта,
Кел ауылға, жiгiтiм!

Құрбыжан, қарай берме көп қадалып,
Әзiл сөз сен жөнiнде жүр таралып.
Алыстан сығаламай, ауылға кел,
Теруге ақ мақтаны бiр баралық.

Еңбегiңмен ер боп ақта,
Елiмiздiң үмiтiн.
Алтын мақта бiздiң жақта,
Кел ауылға, жiгiтiм!

Елiмнiң көңiлiндей кең даламыз,
Кел, бiздiң ауылымызға қарсы аламыз.
Толқыған ақ алтынның ортасында,
Шырқатып «Мақта» деген ән саламыз.

Еңбегiңмен ер боп ақта,
Елiмiздiң үмiтiн.
Алтын мақта бiздiң жақта,
Кел ауылға, жiгiтiм!