Өлеңдер сөздерi / текст песни

М. Әмiржанов ә. Н. Дүкенбай - Айналайын елiмнен

Айналайын туған елiмнен,
Байтақ жатқан құтты жерiңнен.
Ұл-қызыңа шалқып әрдайым,
Орын берген сыйлы төрiңнен.

Бұлбұл құстай шырқап сайраймын,
Жас құрақтай көктеп жайнаймын.
Теңдiк алған шалқар елiме,
Еңбек етем шаршап-талмаймын.

Айналайын биiңнен, айналайын күйiңнен.
Шағаладай ақ күмбез, айналайын үйiңнен.
Айналайын әнiңнен, айтылатын мәнiмен.
Айналайын туыңнан, желбiреген сәнiмен.

Майра апамдай сазды сызылтып,
Ән шырқаймын түрлi құбылтып.
Иса ағамдай ағып тасқындап,
Жыр ағытам шалқи шұбыртып.

Дина болып жауып нөсерлеп,
Күй тартамын төгiп әсерлеп.
Ата салтын биiк қастерлеп,
Өрнек салам сәндеп-мәнерлеп.

Айналайын биiңнен, айналайын күйiңнен.
Шағаладай ақ күмбез, айналайын үйiңнен.
Айналайын әнiңнен, айтылатын мәнiмен.
Айналайын туыңнан, желбiреген сәнiмен.

Ұршығындай асыл әжемнiң
Шыр айналып еркiн билеймiн.
Домбырама барлық әлемнiң,
Әнiн салып баптап күйлеймiн.

Үлкен өнер қилы жолында,
Жалығуды әмсе бiлмеймiн.
Нұрын шашқан күллi жаһанға,
Жарқыраған ашық күндеймiн.

Айналайын биiңнен, айналайын күйiңнен.
Шағаладай ақ күмбез, айналайын үйiңнен.
Айналайын әнiңнен, айтылатын мәнiмен.
Айналайын туыңнан, желбiреген сәнiмен.