Өлеңдер сөздерi / текст песни

Кененнiң әнi - Шолпанқұлға

Қош аман бол, Шолпанқұл, бұлбұл iнiм
Аттан озған тайында дүл-дүл iнiм
Жауды жеңiп жарқылдап аман келгiн
Мiнезiңдi сағындым күлдiргi iнiм

Сағындым-ау Шолпанқұл, сарғайдым-ау
Жылдағыдай емеспiн қартайдым-ау
Тасқа соққан қырандай топшым сынып
Төр алдында қозғалмай жантайдым-ау

Бозбалалар ауылдың көркi екен ғой
Қой бастаған алдында серке екен ғой
Жауды жеңiп жарқылдап, ту астында
Болатұғын күн барма бiр үлкен той

Бозбаланың еркесi қайран Шөкем!
Жарқ-жұрқ етiп алдымнан шығар ма екен
Алатаудың бұлбұлы қайран, Шөкем!
Қай майданда жүр екен сайрап, Шөкем!