Өлеңдер сөздерi / текст песни

Белгiсiз орындаушы - Жез киiк

Жез қанат, күмiс бауыр киiк көрдiм
Дәруi сол ма дерсiң күйiк-шердiң
Жез марал жүредi екен арасында
Қаптаған Бетпақтағы киiктердiң

Жез киiк, бiздiң жаққа қалай келдiн?
Жолымды тiке кесiп, жанай бердiң
Адамның көздерiндей екi көзiң
Япырмай, дәтiм шыдап қалай көрдiм?

Дәл саған құрмап едi торды ешкiм
Ғайыптан душар болдың, сорды кештiң
Мен-дағы сертшiл адам далады өскен
Сен-дағы жалтармадың, жолды кестiң

Асықпа, көрейiншi жөндеп қана
Кетпесiн жаңа тиген мендеп жара
Ет кесiп өз етiмнен берсем -дағы
Жөнiңе жiберейiн емдеп қана

Дедiм де қоя бердiм, ұстамадым
Қасымда қал демедiм, қыстамадым
Тiлеймiн суық жақтан есен қайтып
Жылықұм мекенiне қыстағанын

Түс тербеп, жаздың мөлдiр қысқа таңы
Тұзақтап жез киiктi ұстатамын
Баяғы қызыл iшiк киген қызға
Жез камзол сол киiктi ұқсатамын

Құмарым қайта көрiп қанар ма екен?
Әл бiтiп, салқын жүрек жанар ма екен?
Болмаса, суық қолды бiр сұр мерген
Дәл көздеп әлде атып алар ма екен?

Сұлуды адам жаны қимайды екен
Беймезгiл еске түсiп қинайды екен
Жез киiк, сенi аңсаған кездерiмде
Бiр өзiм кең далаға сымай кетем