Өлеңдер сөздерi / текст песни

Белгiсiз орындаушы - Жеңеше

Шешек атқан көктемдегi гүл қандай,
Құлпырғаны – шұғыла шашар нұрдан бай.
Толған айдай толықсисың, жеңеше-ай,
Сол гүлменен бәсекеге тұрғандай.

Мейлi басқа елемесе, елесе-ау,
Сен ескерсең жетiп жатыр,
Жетiп жатыр, жеңеше-ау.

Мiнезiң бар бұлтсыз ашық аспандай,
Өмiрiң – жыр, жазылмаған дастандай.
Жаутаңдаған жанарыңа қараймын,
Еркелеген бауырыңша жасқанбай.

Мейлi басқа елемесе, елесе-ау,
Сен ескерсең жетiп жатыр,
Жетiп жатыр, жеңеше-ау.

Әнiмiз боп, сәнiмiз боп жүресiң,
Құрбы iшiнде ерек сенiң үлесiң.
Аңқылдаған қайыныңның қадiрiн,
Басқалардан артығырақ бiлесiң!

Мейлi басқа елемесе, елесе-ау,
Сен ескерсең жетiп жатыр,
Жетiп жатыр, жеңеше-ау.