Өлеңдер сөздерi / текст песни

Белгiсiз орындаушы - Қазағымның күйлерi-ай

Сағынышты жүрегiмнiң назындай,
Қырдың әсем қалқып ұшқан қазындай,
Сырлы әсем Сырдария сазындай,
Аңыраған аққулардың мұңындай,
Анасынан айрылған құлындайғ
Алатаудың аппақ ойлы шыңындай,
Қазағымның,
Қазағымның күйлерi-ай!

Жетi өзендi Жетiсудай салалы,
Сарыарқаның самалындай самалы,
Дүрiлдетiп тебiренткен даланы,
Бабамыздың күнiренген зарындай,
Жайығымның жайлап аққан жанындай,
Даламыздың қайнап аққан қанындай,
Қазағымның,
Қазағымның күйлерi-ай!

Сексеуiлдей қатып-семген сенiмдей,
Бедiрейген Бетпақдала шөлiндей,
Бала жанар Балқашымның көлiндей,
Қонағымдай келiп қалған күтiнбей,
Жүректерден жаратылған бүтiндей,
Анамыздың уыз дәмдi сүтiндей,
Қазағымның,
Қазағымның күйлерi-ай!

Сай-сүйектi сырқыратқан төзiмдей,
Қайта оралмас махаббаттың көзiндей,
Қайталанбас қимас асыл сезiмдей,
Толқытады теңiз, мұхит тасқандай,
Алдымыздан арман – елiк қашқандай,
Құпиясы шексiз-тылсым аспандай,
Қазағымның,
Қазағымның күйлерi-ай!

Қатты мұңы – көктен түскен жасындай
Сырлы мұңы – таудың тiлсiз тасындай,
Ащы мұңы – көздiң кермек жасындай,
Қасiреттi қос iшектен құйылған,
Күмбiрлесе күллi дүние ұйыған,
Тәңiрiме сыйынғандай сыйынам,
Қазағымның,
Қазағымның күйлерi-ай!