Өлеңдер сөздерi / текст песни

Белгiсiз орындаушы - Қазағымның байлығы

Өмiрдiң аяқ - ақпаны,
Жүректен сая таппады,
Мейiрiмнiң аптабы,
Ақылы, Ары - мақтаны.
Жалынын жастық шақтағы,
Ұрпаққа сый ғып сақтады,
Қазағымның қарттары.

Қарашы, досын, тұр-дағы
Ауылға әсем қырдағы.
Махаббат тұнған гүл бағы,
Қызғалдақ өскен қырлары,
Елiмнiң сұлу сырларын,
Паш етiп көктем жырлады,
Қазағымның ұлдары.

Секiлдi мұнар шыңдағы,
Есiңнен кетпес тұз-дәмi.
Жаз болып атар күз таңы,
Өзiңдi құшса қыз жаны.
Соқса да тұрмыс ызғары,
Ұясын алтын бұзбады.
Қазағымның қыздары.

Құдыретi - шырын гүлдегi,
Жұлдыздай нұрлы түндегi.
Шашуы - шуақ күндегi,
Ауылы баққа iргелi,
Даламмен үндес үндерi.
Толқытып жанды биледi,
Қазағымның күйлерi.

Ақ нөсер болып ашылған,
Қуатын алған жасыннан.
Шұғыла - арман шашылған,
Бойыма сiңген жасымнан.
Самал боп ескен ән лебi,
Өмiрдiң тозбас сәндерi,
Қазағымның әндерi.