Өлеңдер сөздерi / текст песни

Белгiсiз орындаушы - «ҚАРА ЖОРҒА»

- «Қара жорға» болмаса,
Бидiң сәнi келе ме?
Бүрмелi көйлек кимесе,
Қыздың сәнi келе ме?
Қозсын барлық делебе,
Қан тарасын денеге.
Қара жорға болмаса,
Тойдың сәнi келе ме?

«Қара жорға» - «Сал күрең»
Тарихын бiл алдымен.
Бабалардан жалғасқан,
Тағылымы бар бiлем.
Жорғалаған күй майда,
Бұған жетер би қайда?
Ойнаңыздар жамағат,
Билеңiздер мұндайда.

Биле, биле жiгiттер,
Жанып тұрған үмiттер.
Шыққанынша тоқтама,
Маңдайыңнан тұнық тер.
Биле қыздар бұралып,
Сауық-сайран құралық.
Сұлулардың көркiне,
Тамсанып бiз тұралық.

Ал жiгiттер қыраным,
Алашқа айтар ұраным.
Сендерсiңдер қорғаны,
Мынау байтақ мұраның.
Көк байрағым желбiреп,
Қуантыңдар елдi тек.
Шашу шашсын әжелер,
Жүректерi елжiреп.

Ғашық жандар тiл қатып,
Жүректерiн жырлатып.
Қыз бен жiгiт қосылып,
Билеу деген бiр бақыт
Биле, биле, сұлуым,
Қандай ғажап күлуiң.
Сыртылдасын саусағың,
Былқылдасын буының.

кушти

жынды олен