Өлеңдер сөздерi / текст песни

Белгiсiз орындаушы - Қара кемпiрдiң зары

О-о-о-о, Дүние-ай!
Сағындым, Жексенұлым, Қосшығұлым,
Өзектi жарып шыққан қос шыбыным.
Қырық жыл аңыраған сорлы анаңның,
Зарына құлағыңды тосшы бүгiн.

Қырық жыл ен сап жүрмiн қозы-лаққа,
Сендерге бәсiре деп өзi жоқта.
²рiмшiк, құрт-майымды сақтап жүрмiн,
Бiр тойың болады деп осы жақта.

Қызылсай қырат-қырат белесi көп,
Белесте қос қозымның елесi көп.
Бiлемiн, өлiм бар ғой, өле алмаймын,
Өйткенi мал-мүлкiңнiң егесi жоқ.

О-о-о-о, Жалған-ай!
Жексенқұл, Қосшығұлым, қарақтарым,
Малыңды алсаңшы кеп санап бәрiн.
Анаңды жынды атаған бұл ағайын,
Әкетер көзiм жұмсам талап бәрiн.

Сендерсiз мына қу үй қыстай екен,
Баласын жылан жұтқан құстай екен.
Қырық жыл аңыраған арманымды,
Қалайша қанат қылып ұшпай өтем.

Қара шаш аппақ бүгiн қырау болды,
Дүние белгiсi жоқ сұрау болды.
Әр күнiм тойға арналған малың бағып,
Әр түнiм ағыл-тегiл жылау болды.

О-о-о-о, Жалған-ай!
Көңiлiм мұнша неге қоңырлайды,
Торлап бiр алғаны ма өмiр-қайғы.
Атасу сағындырған Аспараға,
Қос қозым неге келiп шомылмайды.

Мен қайда, сендер жүрген қиыр қайда,
Дүние шектiгi жоқ шиырлайды.
Егер де мәңгiлiкке көзiм жұмсам,
Қос уыс топырағың да бұйырмай ма?

Күн қайда терлеп iшер қызыл шайды,
Тер емес, көздiң жасы жүзiм шайды.
Жексенқұл. Қосшығұлым кеп қалды ма,
Аралап қайтайыншы Қызылсайды...