Өлеңдер сөздерi / текст песни

Белгiсiз орындаушы - Партизан

Майданға аттанды,
Екпiндi партизан.
Дұшпандар шошыған
Даусынан,
Даңқынан.

Колхоздың орманы,
Жасыл гүл, жапырақ.
Барды оған
Партизан,
Жау келдi жақындап.

Айсыз түн қараңғы,
Жаудың көп жарағы.
Зеңбiрек
Танкiсi
Күркiреп барады.

Партизан қырағы,
Алды-артын орады.
Ысқырған
Снаряд
Борандай борады.

Гуледi пулемет
Жаңбырдай жауды оқ,
Жыртқыштан
Арам қан
Төгiлдi дiрiлдеп.

От жалын түндегi,
Аспанда жайнады.
Дұшпанға
Төбеден
Найзағай ойнады.

Офицер жез өкше,
Тұтқынға алынды.
Колхоздың
Орманы
Фашистен арылды.

Сiлкiндi жер мен көк,
Жау өлдi төбе боп.
Команда
Берiлдi
«Партизан, алға!»- деп.