Өлеңдер сөздерi / текст песни

Белгiсiз орындаушы - Неге бiз өлдi деймiз өлгендердi

Неге бiз өлдi деймiз өлгендердi,
Гүлдердi бiзден бұрын тергендердi.
Бiз үшiн қиындықты жеңгендердi,
Бiз үшiн отқа айналып сөнгендердi.

Сондай ой тез келедi неге бiзге,
Әлде бiз тағдырға тез көнемiз бе?
Кiм бiлед олар мүмкiн желпiп бiздi,
Ақ бұлт боп жүрген шығар төбемiзде.

Жүрдi олар бiр кездерде жырдай жанып,
Бiздер де соларменен нұр жайнадық.
Өлдi деп бiз жүргенде олар мүмкiн,
Далада шыққан шығар гүлге айналып.

Жүрегi қайта жанып сөнгендердiң,
Өмiрге келдi ұрпақ, мен келгенмiн.
Кiм бiлсiн аспандағы сансыз жұлдыз,
Шырағы болар, бәлiкiм, өлгендердiң.