Өлеңдер сөздерi / текст песни

Белгiсiз орындаушы - Менi ойла

Сеземiн сүйген жүрекке
Сағыну соқпас оңайға
Дегенмен қалқам қалайда
Қалт еткен шақта менi ойла

Таңертең тұр да шықты көр
Оянған шақта менi ойла
Шұғылыға шығыс түп-түгел
Боялған шақта менi ойла

Дүниенi нұрлы кiрпiгiң
Қамастырғанда менi ойла
Талдарға көктем бүртiгiн
Жаңа аштырғанда менi ойла

Арайда балға тоймаған
Бал қызғанғанда менi ойла
Жым-жырт боп тегiс айналаң
Жалғыз қалғанда менi ойла

Тағатсыз аңсар ынтық үн
Жаралы хал ғой ғашық хал
Рояль көрсең бiр тiлiн
Менi ойлап бар да басып қал

Тек қана көзге жас алма
Ойлай бер менi күнiге
Махаббаттардың қашанда
Ойламау жеткен түбiне