Өлеңдер сөздерi / текст песни

Белгiсiз орындаушы - Мәншүк туралы ән

Дауылмен тербеп оның жас бесiгiн,
«Мәншүк» деп ел атаған ерке есiмiн.
Адамша ақтау үшiн ана сүтiн,
Майданның, пулеметпен ашты есiгiн.

«Максимiн» басқан сайын бас бармағы,
Жаулардың өлiк болды жастанғаны.
Атысты ол от iшiнде сүңгiп жүрiп,
Секiлдi қамысты көл қасқалдағы.

Ай өткен, жылдар өткен, ғасыр өткен,
Жеңiспен майдан бiтiп, жас ер жеткен.
Ерлiгi ел жүрегiн тебiренткен,
Ұрпаққа ұран болып Мәншүк кеткен.