Өлеңдер сөздерi / текст песни

Белгiсiз орындаушы - Кең өлкем

Ер қазақ егемендi ту ұстады,
Шалқыды күннен-күнге ырыс-бағы.
Жайқалтты дән теңiзiн Қазақстан –
Қазақтың ұлы отауы шығыстағы.

Тың өлкем, Ақ Жайық,
Кең өлкем, ғажайып Гүлстаным!
Кендi Алтай, Үржарым,
Жетiсу – гүл бағым, Қазақстаным!
Құрышты Темiртау,
Жез қазған Қаратау,
Жер ұйығы кең өлкем менiң!

Мұнайлы Маңғыстаудың түбегi бар,
Алтайдың алтын атқан жүрегi бар.
Қаспийдiң қара бұйра толқынындай
Таусылмас Қарағанды көмiрi бар.

Тың өлкем, Ақ Жайық,
Кең өлкем, ғажайып Гүлстаным!
Кендi Алтай, Үржарым,
Жетiсу – гүл бағым, Қазақстаным!
Құрышты Темiртау,
Жез қазған Қаратау,
Жер ұйығы кең өлкем менiң!

Жасарды кең өлкемнiң топырағы,
Тау иiп, теңiз тасып толқыр әлi.
Құйылса көк құрышы Темiртаудың,
Қостанай қоймаға дән толтырады.

Тың өлкем, Ақ Жайық,
Кең өлкем, ғажайып Гүлстаным!
Кендi Алтай, Үржарым,
Жетiсу – гүл бағым, Қазақстаным!
Құрышты Темiртау,
Жез қазған Қаратау,
Жер ұйығы кең өлкем менiң!