Өлеңдер сөздерi / текст песни

Белгiсiз орындаушы - Интернационал

Аттан, азап шегiп жаншылған,
Әлемнiң құл мен аштары!
Кекпен ой-санамыз ашынған,
Дайын тұр майдан ашқалы.
Талқандап зорлықшыл жалғанды,
Жасаймыз жаңа дүние.
Теңеймiз тепкiде қалғанды,
Әлемге болмақ сол ие.

Бұл бiздiң ең ақырғы
Зор майдан ғаламат.
Интернационалмен
Өркендер адамзат!

Азаттық бiзге ешкiм бермес,
Құдай да, патша, батыр да.
Бостандық бiзге өзi келмес –
Аламыз жеңiп ақырда.
Күшпен құртам десең зорлықты,
Есеңдi алам десең тек.
Аянбай қатты бас көрiктi,
Темiрдi қызған кезде соқ!

Бұл бiздiң ең ақырғы
Зор майдан ғаламат.
Интернационалмен
Өркендер адамзат!

Бiздер армиясы еңбектiң,
Тұтасқан күллi тарапта.
Жердi билеудiң тек бiзде еркi,
Орын жоқ – арамтамаққа!
Ал егер ұлы күн күркiреп,
Жай түссе жауыз жендетке.
Сәулесiн бiзге тек түсiрмек,
Жарқырап нұрлы күн көкте.

Бұл бiздiң ең ақырғы
Зор майдан ғаламат.
Интернационалмен
Өркендер адамзат!