Өлеңдер сөздерi / текст песни

Белгiсiз орындаушы - Домбыра

Егiз сәби үнiндей iңгәлаған
Домбырамның әуенiн тыңда, балам.
Күй сырымен мерейiм өсiп бiрге,
Онсыз кейде көңiлдi мұң қамаған.

Арулардың арманы қол жетпеген,
Аналардың мейiрiмi өбектеген -
Бәрi-бәрi қос iшектен төгiледi,
Қоңыр сазын содан да бөлек көрем.

Ер жiгiттiң ерлiгi ол жасымаған,
Пернесiнде сөйлейдi жасыл далам.
Құрманғазы, Тәттiмбет, Диналардың
Өзi болып күй шертер ғасыр маған.

Сыр ашады Махамбет, Мәдилерiм,
Ұрпағымен ұзартып ән-күйлерiн.
Домбырасыз үйiмнiң сәнi келмес,
Домбыра боп, туған жер, әлдилеген.