Өлеңдер сөздерi / текст песни

Белгiсiз орындаушы - Балбұлақ

Сылдыр-сылдыр сылдырап,
Мөлдiр бұлақ ағады.
Былдыр-былдыр бал құрақ,
Көмкередi жағаны.

Балғын-балғын балалар,
Саялайды құрақта.
Отырады жағада,
Шомылады бұлаққа.

Күнде келiп апам да,
Мөлдiреген су алып.
Тұнығынан шопан да,
Тұрады қой суарып.

Түрлi-түрлi, не түрлi,
Бар-ау қызық мiнезi.
Елiктейтiн секiлдi
Адамға да бұл өзi.

Тайызынан су алса,
Лайлана қалады.
Тереңiнен су алса,
Күлiм-күлiм қағады.