Өлеңдер сөздерi / текст песни

Белгiсiз орындаушы - Әдемi-ау

Бұлбұл құс туған жерден гүл iздейдi
Күдерiн құштарынан бiр үзбейдi
Келесiң гүл боп, еркем, көз алдыма
Өзiңдi мен iздемей кiм iздейдi!

Арына махаббаттың шырай керек
Шын сүйген азабына шыдайды көп
Ән айттым, арнап саған, ұнайма
Әдемi-ау, менi сүйсең мұңайма тек

Арманымның нұры
Ақындықтың сыры
Жүрегiмнiң жыры, Әдемi-ау
Көңiлiмнiң сазы
Өмiрiмнiң жазы
Қайда жүрсiң, Әдемi-ау

Өзiң ғой өмiрiме сән берген де
Дүниеде саған ару тең келген бе?
Сәулем-ау сен келесiң, көз алдыма
Ақ қайың самал желмен тербелгенде

Жас жаным сенi аңсамай төзе алар ма
Өзгелер сенi мендей сезе алар ма
Ақ толқын жағалауға асыққанда
Айым-ау, сен келесiң көз алдыма!

Арманымның нұры
Ақындықтың сыры
Жүрегiмнiң жыры, Әдемi-ау
Көңiлiмнiң сазы
Өмiрiмнiң жазы
Қайда жүрсiң, Әдемi-ау