Өлеңдер сөздерi / текст песни

Б. Ерзакович - Төлеген Тоқтаров туралы ән

Тағынған тал бойына алтын алқа,
Сағынып Төлегенiн Алтай, Арқа.
Ашады сүйiспендiк жайып құшақ,
Дегендей: «Халқым сүйген келшi, қалқа!»
Ай қаоқып, жұлдыз жүзi шығып шыңға,
Алтайды бөлегенде таңғы нұрға.
Айбыны Алтайдан да асып артқан,
Көз түсер алып тұлға, батыр тұлға!

Найзасын көкке тiреген,
Семсерiн айға бiлеген.
Алтайдан туған алып ұл –
Бұл арыстан Төлеген.

Туған жер, өскен орта, байтақ дала,
Махаббат, ыстық жүрек құмарлана.
Сүйедi Төлегендей ер баласын,
Баулыған батырлыққа Отан-ана.
Баласын алып Алтай құшағына,
Сүйедi, жүрегiне қысады да.
Сырласып таң атқанша, бiрге болып,
Таң атса, тау қалады, ол ұшады да.

Найзасын көкке тiреген,
Семсерiн айға бiлеген.
Алтайдан туған алып ұл –
Бұл арыстан Төлеген.