Өлеңдер сөздерi / текст песни

Әскербек Рахымбековтiкi ә. Әлiмхан Оспановтiкi - Ақ босаға – ақ ниет

Келiн түстi, жолы ғой бұрынғының,
Бiздiң үйге бiрi ендi бұрымдының.
Ақ ниетпен аттағын босағаны,
Ағарып тұр әнекей шымылдығың.

Ақ бауырсақ шашу боп шашылғанда,
Қызыл шәлi жүзiңдi жасырғанда.
Қандай ғана сезiмде болдың екен,
Ақ шымылдық алдыңнан ашылғанда.

Ерке өскен даланың елiгi едiң,
Келiн бол деп жiбердi сенi елiң.
Шешем байғұс толқып жүр қайтсiн ендi,
Сен оның тұңғыш түскен келiнi едiң.

Алдыменен өзiңнiң енең сынар,
Емендей бол бұл сынға, емен шыдар.
Жас келiнге қаттырақ қарағанда,
Ширатып бiр алайын деген шығар.

Жайнап жүрсең қып-қызыл кiлемдейсiң,
Масатыдай құлпырып күлiмдейсiң.
Қарияға сәлем қыл, көңiлi қалар,
Қариялар қашанғы жүрер дейсiң.

Анасын да осы елдiң, атасын да,
Сыйлай бер, ажыратып жатасың ба?
Қолдан келсе үлкеннен бата алайық,
Ықыласы үлкеннiң батасында.