Өлеңдер сөздерi / текст песни

Әдiлбек Сүлейменовтiкi с. Айтқали Нәрiков - Асыл ана

Суытпаған бозторғайдай ұясын,
Жүрегiме жылуыңды құясың.
Кенже балаң келдi өзiңдi сағынып,
Аман жүршi, соның өзi сый асыл.

Аналардың ақ сүтiнен нәр алған,
Аналардың үмiтiнен жаралған.
Сәби едiк, ендi қазiр ер жеттiк,
Жүректерде биiк мақсат, бар арман.

Сен туған жер бақша менен бау ма екен,
Ана, өзiңдей бақытты жан бар ма екен?
Ержетсем де еркелегiм келiп тұр,
Балалық кез қай жерлерде қалды екен.

Аналардың ақ сүтiнен нәр алған,
Аналардың үмiтiнен жаралған.
Сәби едiк, ендi қазiр ер жеттiк,
Жүректерде биiк мақсат, бар арман.

Жаның мөлдiр жанарындай ботаның,
Мейiрiмiңдi мәңгi әнге қосамын.
Кенже балаң сенсiз қалай тұра алар,
Сағынышпен мен жолыңды тосамын.

Аналардың ақ сүтiнен нәр алған,
Аналардың үмiтiнен жаралған.
Сәби едiк, ендi қазiр ер жеттiк,
Жүректерде биiк мақсат, бар арман.