халық әнi - Кәмилә

Мен қайтейiн қиғаш қара қасыңды,
Әуреледiң неге сонша басымды.
Шын сүймесең, жаным сүйген Кәмилә-ау,
Мойныңа артам көзден аққан жасымды.

Өзiңе аян менiң саған құмарым,
Табылды-ау, деп жүрушi едiм, сыңарым.
Шын сүймесең, жаным сүйген Кәмилә-ау,
Екi талай тiрлiк етiп тұрарым.

Мен отырмын жалғыз жартас басында,
Кәмилә жоқ, неге отырмын, қасымда.
Махаббаттың уын iшiп жүргенше,
Неге өлмедiм ғазиз сәби жасымда.