Халық әнi - Ақ жайқын көл

Су ағады арықтан шыр айналып-ей,
Өлмегенге мал бiтер бiр айналып-ей.

Ақ жайқын көл,
Жайлайды-ау, бiздiң ел.

Оралыңның барында ойна да күл-ей,
Кiм бар, кiм жоқ көргенше жыл айналып-ей.

Ақ жайқын көл,
Жайлайды-ау, бiздiң ел

Аулым көшiп барады сарымсаққа-ей,
Қой айдаттым базарға алымсаққа-ей.

Ақ жайқын көл,
Жайлайды-ау, бiздiң ел

Аулың алыс кеткенде, ей қалқатай-ей,
Шықпайды екен шыбын жан сағынсақ та-ей.

Ақ жайқын көл,
Жайлайды-ау, бiздiң ел