Белгiсiз орындаушы - Қайран жастық

Бұл-бұл ұштың көзiмнен қайран жастық,
Асық ойнап жас күнде тайраңдастық.
Сабау қамшы, шыбықты ат қып мiнiп,
Желмен ұшып құспенен бiз жарыстық,
Қайран жастық-ай!

Қайғы-уайым бар ма едi жас күнiмде,
Кешке дейiн ойнаушы-ек тас түбiнде.
Елу менен алпысқа жеткеннен соң,
Ерiншектей кез болдық қаскүнемге.
Қайран жастық-ай!

Бала тiлдi алмаса беттен алып,
Келiн тiлдi алмаса кердең қағып.
Кемпiрiм де соларға қосылып-ап,
Отырарсың амалсыз жалғыз қалып.
Қайран жастық-ай!

Жақсы көрiп алғанды, бергiң келмес,
Бет алдына ерiгiп жүргiң келмес.
Жасың жүзге жетсе де жаның тәттi,
Қара жердiң қойнына енгiң келмес.
Қайран жастық-ай!

өте жақсы өлең!