Белгiсiз орындаушы - Оралшы, жаным, қайтадан

Таусылып тағат, амалым,
Өртенiп босқа барамын.
Көңiлдiң сырын
Көзiмнен ұғып,
Моншаққа толы жанарым.

Уайымсыз, мұңсыз жан деме,
Ойлантты менi әлдене.
У iшсе жүрек,
Бөлiнсе тiлек,
Келмейсiң, жаным, сен неге?

Тасынған кейде көлдейсiң,
Қасында тұрып шөлдейсiң.
Домбыра шертiп,
Бойымды ерiтiп,
Әнiм-ау, неге келмейсiң?

Сезiмнiң күйiн шайқаған,
Сен жайлы бүгiн айтам ән.
Көркiңмен нәзiк,
Дертiмдi жазып,
Оралшы, жаным, қайтадан.